Ашық есік күні өтті
Түркістан жоғары көпсалалы, аграрлық колледжінде «Ашық есік» күні өтті. Мектеп түлектерінің мамандықты дұрыс таңдау жасауына кәсіптік бағыт бағдар беру мақсатында ұйымдастырылған шараға №74 жалпы орта мектебінің мұғалімдері және ата-аналары қатысты. Колледжде даярланатын мамандықтар туралы, мектеп бітіруші түлектерге мамандықты дұрыс таңдау жасаулары туралы айтылды. Жиында оқуға қабылдау ережелері таныстырылып, заманауи оқу құралдарымен жабдықталған оқу кабинеттері, зертханалары, оқу-өндірістік базасы, кітапхана, спорт зал және студенттер жатақханасы көрсетілді. Колледж қабырғасында білім алып, қазіргі таңда өз білімдерін тәжірибемен ұштастырып жүрген осы оқу орнының түлектері өздерінің таңдаған мамандықтары туралы баяндады.
